नारायणगढ–मुग्लिन सडक ४ घण्टा बन्द हुने

चितवन । तुइन खोलामा पुल बनाउन भित्तो काट्नुपर्ने भएपछि आजदेखि नारायणगढ–मुग्लिन सडकखण्डको दैनिक चार घण्टा बन्द हुने भएको छ । बिहान १२ देखि दिउँसो ४ बजेसम्म सडक बन्द रहने छ ।

भिर भएको ठाउँमा पुल बनाउनुपर्ने भएकाले यातायात सेवा बन्द गरेर नै काम गर्न लागिएको हो । चितवन र तनहुँतर्फका विभिन्न ६ स्थानमा सवारी साधन रोकिने छन् । नारायणगढबाट मुग्लिनतर्फ जाने सवारी साधनमध्ये यात्रुवाहक सवारी साधन पन्ध्रकिलो बजारदेखि जुगेडीसम्म बिहान १०ः४० बजेसम्म चलाउन पाइने छ ।

भने मालवाहक सवारी साधन भतेरी जङ्गलदेखि रामनगरसम्म बिहान ११ः३० बजेसम्म मात्र चलाउन पाइने नागढुङ्गा–मुग्लिन सडक आयोजना पश्चिम खण्डका सूचना अधिकारी कृष्ण आचार्यले बताए ।काठमाडौँबाट आउने यात्रुवाहक सवारी साधन मुग्लिन बजारदेखि मनकामना केबुलकारसम्म बिहान ११ः५५ सम्म तथा मालवाहक सवारी सधान ११ः४५ सम्म मात्र चलाउन पाइने सूचना अधिकारी आचार्यले बताए ।