अल-एनले जित्यो एएफसी एसियन च्याम्पियन्स लिगको उपाधि

काठमाडौं । एएफसी एसियन च्याम्पियन्स लिगको उपाधि अल–एनले हात पारेको छ। गएराति सम्पन्न फाइनलको दोस्रो लेगमा जापानको योकोहामा एफ मारिनोसलाई ५–१ ले हराउँदै युएईको अल-एन च्याम्पियन बनेको हो।

पहिलो लेगमा २–१ ले पछि परेको अवस्थालाई उल्ट्उँदै घरेलु लेगमा एकतर्फी प्रदर्शन गरेको अल-एनले समग्रमा ६–३ को नतिजासहित २१ वर्षपछि पहिलो पटक महादेशीय उपाधि जितेको हो।

युएईको सबैभन्दा सफल क्लब अलएनले २००३ मा पहिलो संस्करणको प्रतियोगिता जितेको थियो। यो टिम सन् २००५ र २०१६ मा उपविजेता बनेको थियो।