- २६ असार २०८३, शुक्रबार / Jul 10, 2026
काठमाण्डौ, ७ भाद्र । सुक्खा पहिरोका कारण अवरुद्ध भएको नारायणगढ–मुग्लिन सडकखण्ड सञ्चालनमा आएको छ ।
शनिबार बिहान साढे ६ बजेतिर चितवनको इच्छाकामना गाउँपालिका–५ तुइनखोलामा चट्टानसहितको सुक्खा पहिरो खस्दा सडकखण्ड दुईतर्फी आवागमन रोकिएको थियो ।
झन्डै डेढ घण्टापछि इलाका प्रहरी कार्यालय मुग्लिनको विपद् व्यवस्थापन टोलीसहितको पहलमा सडक पुनः दुईतर्फी नै खुलाइएको प्रहरी निरीक्षक प्रतीक सिंहले जानकारी दिए ।
सडक सञ्चालनमा आएपछि रोकिएका गाडी र यात्रु गन्तव्यतर्फ लागेका छन् । तुइनखोलाको क्षेत्रमा बारम्बार पहिरो खस्ने भएकाले यात्रु र सवारीचालक सतर्क रहन प्रहरीले आग्रह गरेको छ ।
