नेपाललाई मेडिकल शिक्षाको हब बनाउने

काठमाडौं । सबैको लागि शिक्षा र सबैको लागि स्वास्थ्य नेपालको संविधानले नै परिकल्पना गरेकोले नेपाललाई शिक्षाको हब बनाउने तयारीमा सरकार लागेको छ ।
पाटन स्वास्थ्य विज्ञान प्रतिष्ठानको प्रथम दीक्षान्त समारोहलाई सम्बोधन गर्दै प्रधानमन्त्री दाहालले स्वास्थ्य क्षेत्रमा देखिएको सबै चुनौतीको सामना गरेर अघि बढ्नु पर्ने बताए ।

एकीकृत स्वास्थ्य विज्ञान प्रतिष्ठान निर्माण गरी स्वास्थ्य शिक्षा र स्वास्थ्य सेवामा देखिएका समस्या समाधान गर्नुपर्ने उनको सुझाव छ । सबै नागरिकमा आधारभूत र गुणस्तरीय स्वास्थ्य सेवा पुर्‍याउन सबै स्वास्थ्य संस्थाको क्षमता विकास गर्न जरुरी रहेको दाहालले बताए ।

ग्रामीण क्षेत्रसम्म स्वास्थ्य सेवाको पहुँच विस्तार गर्न लागि परेको उनको भनाइ छ । सार्वजनिक स्वास्थ्य संस्था सबल हुँदा मात्र नागरिकले सहज र गुणस्तरीय स्वास्थ्य सेवा पउने दाहालले प्रष्ट पारे । सरकारले सबै सार्वजनिक अस्पतालहरूको क्षमता विकासलाई उच्च प्राथमिकतामा राखेको उनले बताए ।