- २२ कार्तिक २०८३, आईतवार / Nov 8, 2026
मुख्य बुँदा
नेपाल बार एसोसिएसनले प्रतिनिधिसभा विघटन असंवैधानिक भन्दै विरोध जनाएको छ
अध्यक्ष डा. विजयप्रसाद मिश्र र महासचिव केदारप्रसाद कोइरालाले संयुक्त विज्ञप्ति जारी
विघटनलाई स्वेच्छाचारी र संवैधानिक सर्वोच्चता विरोधी भनेको छ
प्रतिनिधिसभा विघटनको अभ्यासले लोकतान्त्रिक संस्थाप्रति जनविश्वास घटाउने चेतावनी
काठमाडौँ, २८ भाद्र । कानून व्यवसायीहरूको छाता संगठन नेपाल बार एसोसिएसनले प्रतिनिधिसभा विघटन असंवैधानिक भएको जनाएको छ।
बारले प्रतिनिधिसभा विघटनको सिफारिस र निर्णय हुनेबित्तिकै विरोध गर्दै विज्ञप्ति जारी गरेको हो। अध्यक्ष डा. विजयप्रसाद मिश्र र महासचिव केदारप्रसाद कोइरालाले संयुक्त विज्ञप्ति निकालेर विघटनको निर्णयको विरोध गरेका छन्।
बारले यसलाई स्वेच्छाचारी र असंवैधानिक भन्दै संवैधानिक सर्वोच्चता र संविधानवादमाथि प्रहार भएको निष्कर्ष निकालेको छ। बारका अनुसार, ‘प्रतिनिधिसभा विघटन गर्ने राष्ट्रपतिको कदम सर्वोच्च अदालतको यस अघिको संसद् पुनःस्थापनासम्बन्धी निर्णयसँग समेत विपरीत छ।’
अवधि नपुग्दै प्रतिनिधिसभा विघटन गर्ने अभ्यासले लोकतान्त्रिक संस्थाहरूमाथि जनविश्वास घटाउने र मुलुकको संवैधानिक व्यवस्थाको आधारलाई खतरामा पार्ने बारले चेतावनी दिएको छ।
