नेपाल प्रहरीले १६ सय जनाका लागि जागिर खुला, असोज १९ देखि आवेदन

काठमाडौँ, १० असाेज । नेपाल प्रहरीले करिब १६ सय जनशक्ति भर्नाका लागि दरखास्त आह्वान गरेको छ। शुक्रबार सार्वजनिक गरिएको सूचनाअनुसार, प्रहरीले प्रहरी जवान पदका लागि १ हजार ५५३, कार्यालय सहयोगीतर्फ ११ हजाम, १५ कुचीकार र १५ खेलाडी गरी कुल १ हजार ५९४ पदमा आवेदन माग गरेको हो।

सूचनाअनुसार प्रहरी जवान पदका लागि न्यूनतम ८ कक्षा पास गरेको हुनुपर्नेछ। कार्यालय सहयोगीका लागि भने साधारण लेखपढ गर्न सक्ने पर्याप्त हुनेछ।

इच्छुक तथा योग्यता पुगेका नेपाली नागरिकले असोज १९ गतेदेखि कात्तिक २८ गतेसम्म दरखास्त फाराम बुझाउन सक्ने उल्लेख छ।