कांग्रेसले सडक आन्दोलन गर्ने

काठमाडौं । सहकारी रकम हिनामिनाबारे संसदीय छानविन समिति बनाउनुपर्ने माग गर्दै आएको नेपाली कांग्रेसले सडक आन्दोलन गर्ने भएको छ। आज पार्टी कार्यालय सानेपामा बसेको कांग्रेस केन्द्रीय समिति र संसदीय दलको बैठकले यस्तो निर्णय गरेको हो।

सहकारी प्रकरणमा संसदीय छानबिन समिति गठनको माग गर्न सदन र सडकबाट सहकारी पिडितको पक्षमा आवाज उठाउने निर्णय गरिएको हो । सहकारी बचतकर्ताको बचत फिर्ता हुनुपर्ने मुख्य माग राख्दै पहिलो चरणमा यहि शुक्रबार काठमाडौको भृकुटीमण्डपमा आन्दोलन गर्ने बताइएको छ।