- २२ भाद्र २०८३, सोमबार / Sep 7, 2026
काठमाण्डौ, २५ भाद्र । जेनजीको प्रदर्शनपछि अत्यावश्यक वस्तुको अभाव र मूल्यवृद्धि हुने उपभोक्ताको चिन्ता बढे पनि सम्बन्धित निकायले तत्काल त्यस्तो अवस्था नआउने स्पष्ट पारेका छन्।
उद्योग, वाणिज्य तथा उपभोक्ता संरक्षण विभागका अनुसार, हालको वस्तु आपूर्तिमा खासै असर नपरेको छ। विभागले आउँदो तीन महिनासम्मका लागि पुग्ने दाल, चामल, तेललगायतका खाद्यवस्तु पर्याप्त मौज्दात रहेको जनाएको छ।
त्यस्तै, नेपाल आयल निगमले पेट्रोलियम पदार्थको आपूर्ति नियमित रहेको स्पष्ट गरेको छ। खाना पकाउने ग्यास र पेट्रोलियम पदार्थमा तत्काल समस्या नआउने र गाडी कम चलेका कारण हाल खपत पनि न्यून भएको निगमको भनाइ छ।
