सरकारसँग मिलेर गाइडलाइन बनाउने एनओसीको प्रस्ताव

काठमाडाैं, ९ असार । नेपाल ओलम्पिक कमिटी (एनओसी) का अध्यक्ष जीवनराम श्रेष्ठले नेपाली खेलकुदमा देखिएको विवाद समाधान गर्न सरकारसँग मिलेर स्पष्ट गाइडलाइन बनाउने प्रस्ताव अघि सारेका छन् ।

उनले खेलकुद मन्त्रालय, राष्ट्रिय खेलकुद परिषद् (राखेप), एनओसी र राष्ट्रिय खेल संघहरूको भूमिका स्पष्ट पार्ने व्यवस्था गरिनु आवश्यक रहेको बताए ।

‘स्पोर्ट्स डायलग’ कार्यक्रममा उनले खेलकुद विकास द्वन्द्वबाट सम्भव नरहेको भन्दै एनओसी जति सकिन्छ त्यति झुक्न तयार रहेको प्रष्ट पारे । कार्यक्रममा ओलम्पियन खेलाडी र खेल संघका प्रतिनिधिहरूले विवादको असर खेलाडीहरूमा परेको गुनासो गरेका थिए ।