- २६ असार २०८३, शुक्रबार / Jul 10, 2026
काठमाण्डौ, ३ असाेज । पूर्व प्रधानमन्त्री तथा नेकपा एमालेका अध्यक्ष केपी शर्मा ओलीले सरकारले ताकी–ताकी गोली हान्ने आदेश नदिएको स्पष्ट गर्नुभएको छ ।
संविधान दिवसको अवसरमा शुभकामना सन्देशमार्फत ओलीले आफूले राजीनामा दिएपछि छानी–छानी सार्वजनिक तथा निजी सम्पत्ति, नेताका घरलगायतमा आगजनी र तोडफोड गरी क्षति भएको उल्लेख गर्नुभयो ।
जेन–जी आन्दोलनमा आह्वानकर्ताले नै घुसपैठ भएको बताएको प्रसङ्ग उल्लेख गर्दै ओलीले सरकारले प्रदर्शनकारीलाई ताकी–ताकी गोली हान्ने आदेश नदिएको दाबी गर्नुभयो । उहाँका अनुसार प्रहरीसँग नभएका स्वचालित हतियार प्रयोग गरेर गोली हानिएको हो, जसको छानबिन हुनुपर्ने बताउनुभयो ।
जेन–जी आन्दोलनपछि भदौ २४ गते प्रधानमन्त्री पदबाट राजीनामा दिएका ओलीलाई सेनाले बालुवाटारबाट हेलिकोप्टरमार्फत ब्यारेकमा लगेर सुरक्षित राखेको थियो । हिजो बेलुकी उहाँ ब्यारेकबाट निस्किएर भक्तपुरको गुण्डुस्थित भाडाको घरमा सर्नुभएको छ ।
