भूकम्प प्रभावित क्षेत्रका लागि लुम्बिनी प्रदेश सरकारद्वारा डेढ करोड रुपैयाँ सहयोग

बुटवल । जाजरकोटको रामीडाँडा केन्द्रविन्दु भई गएको भुकम्पबाट लुम्बिनी प्रदेश र कर्णाली प्रदेशका प्रभावित जिल्लामा लुम्बिनी प्रदेश सरकारले डेढ करोड रुपैयाँ सहयोग गर्ने भएको छ ।

दाङ्गको तुल्सीपुरस्थित राप्ती प्रादेशिक अस्पतालमा बसेको प्रदेश सरकार मन्त्रिपरिषद्को आकस्मिक बैठकले डेढ करोड रुपैयाँ आर्थिक सहयोगसंगै प्रदेश सरकारका गृहमन्त्रीको नेतृत्वमा तत्काल उद्धार र राहतका लागि लुम्विनी प्रदेश सरकारको चिकित्सक, स्वास्थ्यकर्मी, अत्यावश्यक औषधोपचार सामग्री, खाद्य तथा गैर खाद्य सामग्री उपलब्ध गराई विपदको आपतकालीन अवस्थामा सहयोग गर्ने निर्णय गरेको हो ।

प्रदेशले यसअघि राप्ती प्रादेशिक अस्पताल तुलसीपुरका निमित्त मेडिकल सुपरिटेन्डेन्ट डा पदमराज अधिकारीको नेतृत्वमा स्वास्थ्यकर्मी तथा स्वास्थ्य सामग्री पठाइसकेको छ ।

यो पनि पढ्नुहोस्