ट्रक दुर्घटना हुँदा कालीकोटमा एक जनाको मृत्यु

काठमाण्डौ । कालीकोटमा ट्रक दुर्घटना हुँदा एक जनाको ज्यान गएको छ । कालीकोटको हलेसे भीरमा ट्रक दुर्घटना हुँदा एक जनाको ज्यान गएको हो ।

लालु गाउँबाट मकै र भटमास खरिद गरेर स्थानीय बजार खुलालु हुँदै सुर्खेत फर्किने क्रममा ट्रक दुर्घटना भएको जिल्ला प्रहरी कार्यालय कालिकोटले जनाएको छ । पलाता–८ घर भएका चालकले हाम फालेर ज्यान जोगाएको र चालकलाई प्रहरीले नियन्त्रणमा लिएको जनाएको छ ।

मृत्यु हुनेमा नरहरिनाथ–५ रुप्साका स्थानीय खुलालु बजारमा व्यवसाय गदै आएका गाडीधनी ४५ वर्षका गंग देउवाको ज्यान गएको जिल्ला प्रहरी कार्यालय कालीकोटले जनाएको छ । नरहरिनाथ गाउँपालिका–८ लालु गाउँबाट फर्किने क्रममा कर्णाली प्रदेश ००१ क ०८२० नम्बरको ट्रक दुर्घटना भएको हो ।