- २६ असार २०८३, शुक्रबार / Jul 10, 2026
काठमाडौं । प्रतिनिभि सभाको बैठक स्थगित भएको छ। शक्रुबार बिहान ११ बजेका लागि बोलाइएको बैठक प्रतिनिधिसभा बैठक बस्दै नबसी स्थगीत भएको हो ।
विहान ११ बजेका लागि बोलाइइएको बैठक समय परिवर्तन गरेर १ः१५ मा बस्ने भनिएको बैठक बसे पनि विपक्षी दलहरूले अवरोध कायमै राख्ने भएपछि सूचना टाँसेर बैठक स्थगित गरिएको हो ।
शुक्रबार सभामुखसँग भएको छलफलमा पनि विपक्षी दलहरू त्यही अडान दोहोर्याएका थिए। दुई घण्टा लामो छलफल भए पनि प्रधानमन्त्रीले जवाफ नदिएसम्म सदन चल्न नदिने अडानबाट उनीहरू पछि नहटेपछि बस्दै नबसी बैठक स्थगित गरिएको हो।
अब अर्को बैठक आइतबार बिहान ११ बजे बस्ने सूचनामा उल्लेख छ।
संसद्मा विपक्षी दलहरूले विद्युत प्राधिकरणका कार्यकारी निर्देशक कुलमान घिसिङको बर्खास्तीबारे प्रधानमन्त्रीको जवाफ माग गर्दै आएका छन्। तर प्रधानमन्त्री जवाफ दिन तयार नहुँदा सदन नै नचल्ने अवस्था बनेको हो।
