एक महिलाको हत्या, एकजना पक्राउ

काठमाडौं । बर्दिया बारबर्दिया नगरपालिका ५ तर्कापुरमा एक महिलाको हत्या भएको प्रहरीले जनाएको छ । ३९ वर्षीया मीना थारुको हत्या भएको हो ।

गएराति १२ः २० मा बारबर्दिया नगरपालिका वडानम्बर ११ बस्ने अन्दाजी ४० वर्षीय शिवप्रसाद थारु पप्पुले मीनाको हत्या गरेको जिल्ला प्रहरी कार्यालय बर्दियाका प्रहरी नायब उपरीक्षक (डीएसपी) तुल्सीराम अर्यालले बताए । मीनाको घरमै गएर टाउको र घाँटीमा धारिलो हतियार प्रहार गरेको उनको भनाइ छ ।

उपचारका लागि बारबर्दिया नगर अस्पताल जयनगर लगिएको र चिकित्सकले मृत घोषणा गरे । हत्यापछि फरार भएका शिवप्रसाद थारुलाई प्रहरीले बारबर्दिया नगरपालिका वडानम्बर ५ को सिटीबरेली क्षेत्रबाट पक्राउ गरी अनुसन्धान थालेको छ । हत्याको कारण नखुलेको र अनुसन्धान भइरहेको छ ।