- २३ भाद्र २०८३, मंगलवार / Sep 8, 2026
दाङ । पशुपति मा.वि. हरीपौरीले एसइईको प्रमाणपत्र दिए वापत रु दश हजार रुपैँया लिने गरेको पाईएको छ । तुलसीपुर उपमहानगरपालिका वडा नं १२ स्थित उक्त विद्यालयको विद्यालय ब्यबस्थापन समितिले निर्णय गरेर नै उक्त शूल्क लिने गरेको हो । अन्य विद्यालयमा स्तान्तरण गरे वापत पाँच हजार र विद्यालयलाई सहयोग भनेर पाँच हजार रुपैँया लिने गरेको विद्यालयका प्रधानाध्यापक राधा चौधरीले बताईन् ।
नीजि विद्यालयमा गएर महंगो शूल्क लिने तर, सामुदायिक विद्यालयमा विद्यालयको हितकालागि लिने शुल्कमा धेरै चासो नदिन उनको आग्रह छ । विद्यालयबाट स्तान्तरण लिएर विद्यार्थीहरु निजि विद्यालयमा पढ्न जान थालेपछि विद्यालयले यस्तो निर्णय गरेको आरोप छ । समुदायबाट नै विद्यालय चलेकाले समुदायले पनि सहयोग गर्नुपर्ने प्रअ चौधरीको भनाइ छ । कक्षा ११ र १२ सञ्चालन भएको भन्दै त्यसमा आउने खर्च ब्यबस्थापनकालागि उक्त रकम उठाईएको हो ।
पाँच हजार मात्रै लिने गरिएको भएपनि यस बर्ष त्यसलाई बढाएर दश हजार बनाईएको चौधरीले बताइन् । यसरी प्रमाणपत्रकै शूल्क १० हजार लिनु गलत भएको स्थानीयले बताएका छन् । प्रमाणपत्रको शुल्क लिनु गलत रहेको तुलसीपुर उपमहानगरपालिकाका शिक्षा शाखा प्रमुख चक्र भण्डारीले बताए । विद्यालय ब्यस्थापन समितिले निर्णय गरेर शूल्क लिएको भन्ने गुनासो शिक्षा शाखामा पनि आएको छ ।
शूल्क सम्बन्धीको निर्णय गर्ने अधिकार विद्यालय ब्यबस्थापन समितिलाई भएपनि यसरी उच्च शूल्क लिन नहुने यसको स्थानीय सरकारले नियमन गर्ने बताए । कक्षा १२ सम्मको शिक्षा हेर्ने अधिकार स्थानीय तहको हो । विद्यालय ब्यबस्थापन समितिले यो निर्णय नसच्चाए सोही बमोजिम अगाडी बढ्ने भण्डारीको भनाइ छ ।
