गोरखापत्रका उपसम्पादकको निधन

काठमाडौं । गोरखापत्र दैनिकका उपसम्पादक शेषकान्त पण्डितको आज बिहान निधन भएको छ । ललितपुरको मेडिसिटी अस्पतालमा अर्बुद रोगको उपचारका क्रममा आज बिहान तीन बजे निधन भएको हो ।

४७ वर्षको उमेरमा उहाँको आन्द्रामा अर्बुद भएको परिवारका सदस्यले जनाएका छन् । तनहुँको भानु नगरपालिका–१२ मा २०३३ वैशाखमा जन्मिएका पण्डितका श्रीमती, एक छोरा र एक छोरी छन् ।

शिक्षा पत्रकार समाजका महासचिव पण्डित पत्रकारिता तथा सामाजिक अध्ययनको अध्यापन र पुस्तक लेखनमा संलग्न थिए । उनको आजै पशुपति आर्यघाटमा अन्त्येष्टि गरिने बताइएको छ ।