- ३० असार २०८३, मंगलवार / Jul 14, 2026
काठमाडौं । राष्ट्रिय स्वतन्त्र पार्टी (रास्वपा)का सांसद शिशिर खनालले नेपालको उडान सुरक्षाको सबैभन्दा ठूलो बाधक नै ‘स्वार्थको द्वन्द्व’ रहेको बताएका छन् । आइतबार प्रतिनिधिसभाको विशेष समयमा उनले यस्तो बताएका हुन् ।
नेपाल नागरिक उड्डयन प्राधिकरण (क्यान)ले आफैँ विमानस्थल बनाउने‚ चलाउने र त्यससँग सम्बन्धित व्यवसाय पनि गर्ने गरेकाले समस्या आएको उनले बताए । उनले उड्डयनसँग सम्बन्धित तालिम, सर्टिफिकेट र नियमनसँग सम्बन्धित सबै काम पनि प्राधिकरणले गर्ने गरेकोप्रति आपत्ति जनाए ।
सांसद खनालले प्राधिकरणको बजेटको ८ प्रतिशको हाराहारीमा मात्रै नियमनसँग सम्बन्धित भएकामा पनि प्रश्न उठाए । उनले क्यानलाई सेवा प्रदायक र नियमनकारी निकाय गरी दुई अलग संस्थाका रूपमा अलग्याउने उद्देश्यसहित २०७६ मा राष्ट्रियसभामा विधेयक दर्ता भएको भन्दै त्यो विधेयक किन पारित नगरेको भनेर प्रश्न गरे ।
