- ९ बैशाख २०८३, बुधबार / Apr 22, 2026
काठमाडौं । जनता समाजवादी पार्टी (जसपा) नेपालका सांसद राजकिशोर यादवले सौर्य एयरको विमान दुर्घटनाबारे प्रश्न उठाएका छन् । उनले आइतबारको प्रतिनिधिसभा बैठकमा जहाज दुर्घटना हो कि हत्या? भन्दै प्रश्न गरेका हुन् ।
सी चेकका लागि जाने जहाजमा पाइलट, कोपाइलट र प्राविधिक इन्जिनियरबाहेक अनबोर्ड गर्न नपाइनेमा १९ जना कसरी अनबोर्ड भयो ? भन्दै उनले प्रश्न गरेका हुन् । उनले विमानमा असम्बन्धित क्षेत्रका महिला, बच्चा र आईटी इन्जिनियर रहेकोप्रति पनि प्रश्न गरे ।
यादवले नेपालको आकाश सुरक्षित बनाउन राज्य जिम्मेवार बन्नुपर्ने बताए । उनले प्राधिकरण विधेयक मन्त्रिपरिषद्मा लुकाइएको भन्दै आपत्ति जनाए ।
बसमा दुर्घटना भएर मृत्यु हुनेलाई राज्यबाट बेवास्ता गरिएको तर हवाइ जहाज दुर्घटनामा हुने खाने वर्गको मृत्यु हुँदा आधा झन्डा झुकाएर मृत्युमा पनि वर्गीय विभेद गरिएको उनको भनाइ छ ।
