संसद भवन र भौतिक पूर्वाधार मन्त्रालय घेराउ गर्ने हृदयराम थानीको चेतावनी

काठमाडौं । नेपाली कांग्रेसका सांसद हृदयराम थानीले संसद भवन र भौतिक पूर्वाधार मन्त्रालय घेराउ गर्ने चेतावनी दिएका छन् । मंगलबार प्रतिनिधि सभा बैठकको आकस्मिक समयमा बोल्दै सांसद थानीले कर्णाली प्रदेशमा सडक निर्माणका लागि बजेट नछुट्याए
संसद भवन र भौतिक पूर्वाधार मन्त्रालय घेराउ गर्ने चेतावनी दिएका हुन् । सरकारले कर्णाली प्रदेशका विभिन्न सडकहरू स्तरोन्नतिका लागि बजेट नछुट्याएको भन्दै उनले आपत्ति जनाएका हुन् ।

उनले सरकारले यसैगरी कर्णाली प्रदेशलाई उपेक्षा गरेमा कर्णाली प्रदेशका सांसदहरुले संसद भवन घेराउ गर्ने चेतावनी दिए । उनले सरकारकै कारण कर्णाली प्रदेशका राजमार्गहरू मृत्यु मार्ग बनेको आरोप लगाए ।