- २८ श्रावण २०८३, बिहीबार / Aug 13, 2026
सोलुखुम्बु । सगरमाथा आरोहण तथा खुम्बु क्षेत्रको पदयात्रामा आएका पर्यटकले खुम्बु क्षेत्र भरिभराउ भएको छ । लुक्ला विमानस्थलमा एकैदिन झन्डै दुई सय उडान भएका छन् । हिजो रामेछापको मन्थली र काठमाण्डौ बाट एक सय ९८ वटा उडान भएका हुन् ।
हवाईजहाजले ६१ र हेलिकप्टरले एक सय ३९ उडान भरेका छन् । हिजो एक हजार पाँच सय ३९ जना पर्यटक खुम्बु भित्रिएका छन् । पर्यटक आगमनको याम शुरू भएकाले उडान सङ्ख्या अझै बढ्ने नेपाल नागरिक उड्डयन प्राधिकरण लुक्लाका प्रमुख उमेश पन्थीले बताए ।
यद्यपि पर्यटक लिएर काठमाण्डौ र रामेछापको मन्थलीबाट आएका विमान प्रायः रित्तै फर्कने गरेका छन् । लुक्ला आउने पर्यटकको चाप हुने भएकाले फर्कनेको सङ्ख्या कम हुने गरेको तारा एअरलाइन्सका अमृत मगरले बताए ।
