- ५ असार २०८३, शुक्रबार / Jun 19, 2026
ललितपुर, १४ मंसिर । ललितपुर महानगरपालिकाले पाटन दरबार क्षेत्रसहितका महत्वपूर्ण सम्पदा क्षेत्रमा सवारी साधन प्रवेश निषेध गर्ने परीक्षण सुरु गरेको छ । सम्पदा संरक्षण र पदयात्रा सहज बनाउन सवारी आवागमन नियन्त्रण गर्न लागिएको नगरप्रमुख चिरिबाबु महर्जनले जानकारी दिए ।
महानगरले सवारी निषेधलाई चरणबद्ध रूपमा लागू गर्दै पहिलो चरणमा ममदु गल्ली, गौरीशंकर मन्दिरदेखि ओल्खु गणेश मन्दिरसम्म, भीमसेनस्थानदेखि स्वठ नारायण मन्दिरसम्म र स्वठ चोकदेखि क्यालखु चोकसम्म सवारी आवतजावत रोक्ने निर्णय गरेको छ । दोश्रो चरणमा तिछुगल्ली–मंगलबजार चोकदेखि चक्रवहिल चोकसम्म सवारी साधन निषेध गरिने छ ।
निर्धारित मितिमा यी क्षेत्रमा मंसिर १३, १७ र २० गते : दिउँसो १ बजेदेखि बेलुकी ६ बजेसम्म, मंसिर २४ र २७ गते बिहान ८ बजेदेखि बेलुकी ६ बजेसम्म सवारी साधन प्रवेश पूर्ण रूपमा निषेध हुनेछ ।
महानगरले यसलाई दीर्घकालीन योजना अन्तर्गत सम्पदा क्षेत्रलाई ‘फुटपाथ-मैत्री’ बनाउने प्रारम्भिक कदमको रूपमा लिएको छ ।
