एमालेको ११ औं महाधिवेशनको लोगो सार्वजनिक हुँदै, अध्यक्ष ओलीले गर्नेछन् अनावरण

काठमाडाैं, १४ मंसिर । नेकपा (एमाले)को ११ औं राष्ट्रिय महाधिवेशनको लोगो आइतबार औपचारिक रूपमा सार्वजनिक हुने भएको छ । प्रेस चौतारी नेपालका अध्यक्ष गणेश पाण्डेका अनुसार पार्टी अध्यक्ष केपी शर्मा ओलीबाट लोगो अनावरण गर्ने कार्यक्रम तय गरिएको छ ।

लोगो सार्वजनिकीकरण कार्यक्रम आइतबार दिउँसो १ बजे पार्टी केन्द्रीय कार्यालय, च्यासलमा आयोजना हुने जनाइएको छ । महाधिवेशन तयारीको महत्वपूर्ण चरण मानिएको लोगो सार्वजनिकसँगै पार्टीभित्र महाधिवेशनको माहोल औपचारिक रूपमा सुरु हुने अपेक्षा गरिएको छ ।