- २४ भाद्र २०८३, बुधबार / Sep 9, 2026
थियानजिन (चीन), १६ भाद्र । सांघाई सहयोग संगठन (एससीओ) प्लस को शिखर सम्मेलनका क्रममा प्रधानमन्त्री केपी शर्मा ओलीले लाओस जनप्रजातान्त्रिक गणतन्त्रका राष्ट्रपति थोल्ङलौन सुसौलिथसँग दुईपक्षीय भेटवार्ता गरेका छन्।
थियानजिनस्थित मेइजियान सम्मेलन केन्द्रमा भएको भेटमा दुई देशबीचको आपसी सम्बन्धका विविध पक्षमा कुराकानी भएको थियो।भेटका क्रममा प्रधानमन्त्री ओलीसँगै प्रतिनिधिसभाका सदस्य पूर्णबहादुर खड्का, शिक्षा, विज्ञान तथा प्रविधि मन्त्री रघुजी पन्त, संस्कृति, पर्यटन तथा नागरिक उड्डयन मन्त्री बद्रीप्रसाद पाण्डे, प्रधानमन्त्रीका आर्थिक तथा विकास सल्लाहकार डा. युवराज खतिवडा, पूर्वमन्त्री एवम् प्रतिनिधिसभाका सदस्य छविलाल विश्वकर्मा, परराष्ट्र सचिव अमृतबहादुर राईलगायत उपस्थित थिए।
एससीओ प्लस शिखर सम्मेलन आइतबारदेखि चीनको थियानजिनमा शुरु भएको हो। सम्मेलनमा प्रधानमन्त्री ओलीसहित सहभागी मुलुकका राष्ट्रप्रमुख तथा सरकार प्रमुखहरूले आज सम्बोधन गर्ने कार्यक्रम रहेको छ।
