- २७ श्रावण २०८३, बुधबार / Aug 12, 2026
काठमाडौं । उपत्यका ट्राफिक प्रहरी कार्यालयले अत्यावश्यक काम बाहेक सडकमा ननिस्कन र सवारी साधन ननिकाल्न अनुरोध गरेको छ ।
आज राष्ट्रिय युवा संघ नेपाल र दुर्गा प्रसाईंको राष्ट्र, राष्ट्रियता, धर्म, संस्कृति, जनता बचाउँ महाअभियानले विभिन्न ठाउँहरूबाट र्यालीसहित प्रदर्शन गर्ने भएपछि सवारी आवागमनमा समस्या देखेर सकेसम्म सवारी प्रयोग नगर्न ट्राफिक प्रहरीले अनुरोध गरेको हो ।
सडकमा निस्कन पूर्व १०० वा १०३ मा टेलिफोन गर्न र ट्राफिक एफ.एम ९५.५ मेगाहर्ज सुनी सडकको अवस्थाको जानकारी लिएर मात्र निस्कन अनुरोध गरेको छ ।
ट्राफिक व्यवस्थापन गर्ने क्रममा ट्राफिक प्रहरीले सवारी साधन जुनसुकै ठाउँबाट पनि डाइभर्सन गर्न सक्ने हुँदा ट्राफिक प्रहरीलाई आवश्यक सहयोग गर्न अनुरोध गरिएको हो ।
