- ६ असार २०८३, शनिबार / Jun 20, 2026
काठमाडौं, ७ जेठ । प्रि–मनसुनी गतिविधिका कारण केही दिनयता देशका धेरैजसो ठाउँमा पानी परेको छ। हावाहुरी, मेघगर्जन र चट्याङसहित हल्कादेखि मध्यम वर्षा हुँदै आएको छ।
देशभर पश्चिमी वायु तथा स्थानीय वायुको प्रभावका साथै बंगालको खाडी र अरब सागरबाट आएको जलवाष्पयुक्त हावाको आंशिक प्रभाव रहेको छ।मौसमविद्हरूका अनुसार अझै केही दिन प्रि–मनसुनी वर्षा जारी रहनेछ र यसले यस वर्षको मनसुनलाई मजबुत बनाउने सम्भावना छ।
नेपालमा जुन १३ तारिखमा मनसुन प्रवेश गर्ने र अक्टोबर २ तारिखमा बाहिरिने महाशाले जनाएकाे छ । मनसुन भित्रिने अवधि जेठ अन्तिमदेखि गनिँदा हाल करिब २२ देखि २३ दिन बाँकी रहेको छ।
जल तथा मौसम पूर्वानुमान महाशाखाका अनुसार बुधबार देशभर आंशिकदेखि साधारण बदली रहनेछ। कोशी, बागमती, गण्डकी र लुम्बिनी प्रदेशका पहाडी क्षेत्रमा केही ठाउँमा मेघगर्जन र चट्याङसहित हल्का देखि मध्यम वर्षा हुने सम्भावना छ। साथै, उच्च पहाडी तथा हिमाली क्षेत्रमा हल्का वर्षासहित हिमपात पनि हुनसक्ने छ।
