- २ आश्विन २०८३, शुक्रबार / Sep 18, 2026
भक्तपुर। नेपाल मजदुर किसान पार्टीका सांसद प्रेम सुवालले गाउँगाउँबाट प्रतिनिधित्व गर्दै प्रतिनिधिसभाका माननीय सदस्यहरुले काठमाडौंमा घर बनाएर गाउँ गाउँलाई सिंहदरबार ल्याइदिएको बताएका छन्।
भक्तपर नगरपालिकाको १६औ नगरसभाको शुक्रबार उदघाटन गर्दै उनले भने यस्तो बताएका हुन् ।सरकारको योजना सिंहदरबार गाउँगाउँ पुर्याउने रहेको तर व्यवहारमा भने गाउँगाउँलाई सिंहदरबार ल्याइपुर्याएको बताए ।
उनले निर्वाचनको बेला आफ्नो निर्वाचन क्षेत्रलाई स्वर्ग बनाइदिन्छु भनेर झुटो आवश्वासन दिने तर निर्वाचन जितेर आएदेखि काठमाडौंको घरमा बस्न आउनु विडम्वनापूर्ण रहेको बताए ।
उनले निर्वाचित क्षेत्रमै सांसदहरूलाई बस्नुपर्ने बाध्यता र काठमाडौंमा घर बनाउन नपाउने गरी नियम बनाउनु पर्ने बताए ।
