- ३१ आश्विन २०८३, शनिबार / Oct 17, 2026
काठमाण्डौ । बीपी राजमार्गको विस्तृत प्राविधिक प्रतिवेदन चाँडै नै तयार गर्नेगरी अध्ययन अगाडि बढाइएको जनाएको छ। असोज दोस्रो हप्ताको बाढी पहिरोबाट क्षति भएको भीषण बाढी र पहिरोबाट उक्त राजमार्ग क्षतविक्षत भएको हो ।
सडक विभागले हाल भकुण्डेबेँसीबाट नेपालथोकसम्मको करिब ३० किलोमिटर सडकको स्तरोन्नतीसँगै पुनःनिर्माण प्रक्रियाको काम अगाडि बढाउने तयारी गरेको जनाएको छ ।
बाढीबाट सिन्धुली, रामेछाप, दोलखा, ओखलढुङ्गालगायत जिल्लामा पुग्ने यातायातको मुख्य आधारका रूपमा रहेको बीपी राजमार्गको विभिन्न भागमा सामान्य क्षतिसँगै रोशी आसपासका करिब १० किलोमिटर सडक पूर्णरूपमा क्षति पुगेको हो ।
आवश्यक परिमार्जन गरी विस्तृत प्राविधिक प्रतिवेदन तयार गर्न र वर्षाको समयमा यातायात सञ्चालन गर्नेगरी आवश्यक कार्य चाँडो सम्पन्न गर्न भौतिक पूर्वाधार तथा यातायात मन्त्रालयले निर्देशन समेत दिएको छ ।
सडकको स्तरोन्नती र पुनःनिर्माणको लागि विभागले परामर्शदाताको रूपमा ‘रिप्पल ट्रेनिङ्ग एण्ड कन्सल्टिङ्ग सर्भिसेज’सँग सम्झौता गरी विस्तृत प्राविधिक प्रतिवेदन तयारको काम अघि बढाएको छ ।
