- ७ असार २०८३, आईतवार / Jun 21, 2026
काठमाण्डौ । नेपालमा पनि विश्व माटो विभिन्न कार्यक्रम गरी मनाइँएको छ । विहीमार ११ औँ विश्व माटो दिवस विभिन्न कार्यक्रम गरी मनाइएको हो । यसवर्ष ‘माटोको सुधारः परीक्षण, रेखदेख र उपचार’ नाराका साथ माटोको गुणस्तर बारेमा प्रचार–प्रसार, माटो परीक्षण लगायतका कार्यक्रम गरी यो दिवस मनाइँएको हो ।
स्वस्थ माटोको महत्त्वबारे जनचेतना जगाउन र माटोको उर्वराशक्तिको दिगो व्यवस्थापनका लागि पैरवी गर्ने उद्देश्यले हरेक वर्ष डिसेम्बर ५ मा विश्व माटो दिवस मनाइन्छ । नेपाल कृषि अनुसन्धान परिषद् अन्तर्गतको राष्ट्रिय माटो विज्ञान अनुसन्धान केन्द्रलगायत सङ्घ संस्थाहरूले गरेको अध्ययनले माटोमा अम्लीयपनको समस्या बढ्दै गएको छ ।
रासायनिक मलको असन्तुलित प्रयोग, उपयुक्त सिँचाइ प्रविधिको कम प्रयोग, प्राङ्गारिक मलको न्यून प्रयोग लगायतका कारण माटोको गुणस्तर कमजोर हुँदै गएको कृषिविज्ञले बताएका छन् । विश्वका विभिन्न देशमा जस्तै नेपालमा पनि खेतीयोग्य जमिनका माटोको भौतिक, रासायनिक तथा जैविक गुण बिग्रन गई उर्वराशक्तिमा ह्रास आउने क्रम दिनप्रतिदिन बढिरहेको अध्ययनले देखाएको छ ।
