- १६ जेष्ठ २०८३, शनिबार / May 30, 2026
भक्तपुर । प्रधानमन्त्री केपी शर्मा ओलीले सूर्यविनायक नगरपालिकाको कार्यालय उद्घाटन गर्नुहुने भएको छ । यहिँ माघ १४ गते सोमबार नगरपालिकाको नवनिर्मित प्रशासकीय भवनको प्रधानमन्त्री केपी ओलीले उद्घाटन गर्नुहुने भएको हो ।
भवनको शुरु लागत अनुमान २९ करोड ५२ लाख ९३ हजार ३ सय ४५ रुपैया ३४ पैसा (भ्याट बाहेक) भएपनि ठेक्का सम्झौता रकम भने २० करोड ४१ लाख ५२ हजार ३३१ रुपैया ८९ पैसा (भ्याट बाहेक) रहेको छ ।
६ रोपनी ११ आना २ पैसा ३ दाम क्षेत्रफलमा रहेको छ । दुई तल्ला वेशमेण्ट पार्किङमा करिब ५ सय सवारी साधनहरु पार्किङ गर्ने मिल्ने रहेको सूर्यविनायक नगरपालिकाका प्रवक्ता रविन्द्र सापकोटाले जानकारी दिनुभयो ।
भवनमा ८ जना क्षमताको दुई वटा लिफ्ट, ३ सय जना अट्ने सेमिनार हल, दुई वटा बैठक कक्ष, एउटा पुस्तकालय कक्ष, एउटा तालिम कक्ष र ९२ कार्यालय कक्ष रहेको छ । भवनमा अपाङ्ग मैत्री, स्तनपान कक्ष, बालमैत्रीलगायतका सुविधाहरु रहेका छन् ।
