- १२ जेष्ठ २०८३, मंगलवार / May 26, 2026
भक्तपुर । भक्तपुर नगरपालिकाका प्रमुख सुनिल प्रजापतिले भक्तपुर नगरपालिकले शिक्षा र स्वास्थ्यलाई प्राथमिकतामा राख्दै काम गरेको बताउँनु भएको छ ।
मिवाछेँ टोल विकास व्यवस्थापन उपभोक्ता समितिको आयोजनमा नव वर्ष २०८१ को अवसरमा शुभकामना आदानप्रदान कार्यक्रममा बोल्दै उहाँले उक्त कुरा बताउनुभएको हो ।
भक्तपुर नगरपालिकाले शिक्षामा जोड दिएको कारण समाज अगाडि बढेको बताउँदै भक्तपुरका जनतालाई शैक्षिक ऋण, छात्रवृत्तिको व्यवस्था गरेको बताउँनुभयो । अक्सिजन र रगत पनि निःशुल्क वितरण गरिरहेको बताउँदै देको मिवा इतापाके जग्गा एकीकरण आयोजना नाफाको लागि नभई अव्यवस्थित क्षेत्र व्यवस्थित गर्न जग्गा एकीकरण आयोजना गरेको जानकारी दिनुभयो ।
२ नं वडाका वडाध्यक्ष हरिप्रसाद बासुकलाले नेमकिपाको घोषणापत्र अनुसार युवा उद्यमशीलता ऋण प्रदान गर्न लागेको बताउनुभयो । कार्यक्रममा रत्नकाजी नायभारी, श्यामसुन्दर मातां, उमेश प्रधानले पनि आफ्नो विचार राख्नु भएको थियो । कार्यक्रममा सहभागीहरुबाट उठेका जिज्ञासाहरु नगर प्रमुख प्रजापतिले प्रष्ट पार्नुभएको थियो ।
