- ३ आश्विन २०८३, शनिबार / Sep 19, 2026
भक्तपुर, २६ बैशाख । भक्तपुर नगरपालिकाभित्र दही उत्पादन तथा बिक्री गर्ने पसलहरूमा गरिएको अनुगमनका क्रममा एक पसलमा अनियमितता भेटिएपछि जरिवाना गरिएको छ।
भक्तपुर नगरपालिकाको नेतृत्वमा शुक्रबार संयुक्त अनुगमन टोलीले दही पसलहरूमा निरीक्षण गरेको हो। टोलीमा खाद्य प्रविधि तथा गुण नियन्त्रण विभाग, उद्योग तथा वाणिज्य कार्यालय, पत्रकारहरू तथा सम्बन्धित निकायका प्रतिनिधिहरूको सहभागिता रहेको थियो।
अनुगमनको क्रममा एक पसलमा दही उत्पादन तथा विक्री प्रक्रियामा कैफियत भेटिएपछि पाँच हजार रुपैयाँ (रु. ५,०००/-) जरिवाना गरिएको जानकारी गराइएको छ। साथै उक्त पसलबाट संकलित दहीको नमुना गुणस्तर परीक्षणका लागि खाद्य प्रविधि तथा गुण नियन्त्रण विभागमा पठाइएको जिल्ला प्रशासन कार्यालय भक्तपुरले जनाएकाे छ ।
संयुक्त टोलीले उपभोक्ताको स्वास्थ्य र उपभोग्य वस्तुको गुणस्तरप्रति उच्च सतर्कता अपनाउँदै यस्ता अनुगमन कार्यक्रमलाई आगामी दिनहरूमा पनि निरन्तरता दिने प्रतिबद्धता जनाएको छ।
स्थानीय तह र सम्बन्धित निकायहरूले खाद्य सुरक्षाको विषयमा चासो राख्नु सकारात्मक पहल हो, उपभोक्ता हकहितका लागि यस्ता अनुगमन अझ नियमित र प्रभावकारी हुनु आवश्यक छ।
