- २७ भाद्र २०८३, शनिबार / Sep 12, 2026
खोटाङ, ४ भदाै । खोटाङको जन्तेढुङ्गा गाउँपालिका–६ दिप्लुङस्थित पुमा सामुदायिक होमस्टे छोटो समयमै आन्तरिक तथा बाह्य पर्यटकको रोजाइमा पर्न थालेको छ। निगालावासका ११ पुमा राई परिवार मिलेर २०८१ माघ १५ गतेदेखि सञ्चालनमा ल्याएको होमस्टेमा स्थानीय परिकार र पुमा राई समुदायको सांस्कृतिक झाँकी मुख्य आकर्षण बनेका छन्।
होमस्टेमा कोदोको ढिँडो, मकैको भात, जौको भात, सिस्नो, स्थानीय कुखुरा, बङ्गुर र राँगाको मासुलगायत परिकार उपलब्ध छन्। किरात संस्कारअनुसार फूलका गुच्छासहित पाहुनाको स्वागत गर्ने गरिएको छ।
गाउँपालिकाको सहयोगमा पाहुना सत्कार घर निर्माण तथा संग्रहालयसहितको भवन बनाउने योजना अघि बढाइएको छ। पर्यटकीयस्थल जन्तेढुङ्गा, होङ्मा पोखरी र भञ्ज्याङखर्क घुम्न आउने पर्यटकका कारण होमस्टेमा पाहुनाको चाप बढ्दै गएको सञ्चालकले बताएका छन्।
