- ३१ आश्विन २०८३, शनिबार / Oct 17, 2026
काठमाडौं, १९ चैत २०८१ । राष्ट्रपति रामचन्द्र पौडेलले संघीय संसदको चालु हिउँदे अधिवेशन अन्त्य गरेका छन् । मन्त्रिपरिषद्को सिफारिसमा उनले मंगलबार राति १२ बजेदेखि लागू हुने गरी अधिवेशन समापन गरेका हुन् ।
राष्ट्रपति कार्यालयले जारी गरेको विज्ञप्तिअनुसार, नेपालको संविधानको धारा ९३ को उपधारा (२) बमोजिम मन्त्रिपरिषद्को चैत १८ गतेको बैठकको निर्णयका आधारमा यो कदम चालिएको हो । विज्ञप्तिमा उल्लेख छ, ‘राष्ट्रपति रामचन्द्र पौडेलले मंगलबार राति १२ बजेदेखि संघीय संसदका दुवै सदनको अधिवेशन अन्त्य गर्नुभएको छ ।’
यो वर्षको हिउँदे अधिवेशन गत माघ १८ गतेदेखि सुरु भएको थियो । मंगलबार बसेको संसद् बैठक यो अधिवेशनको अन्तिम बैठक भएको छ ।
