- २२ असार २०८३, सोमबार / Jul 6, 2026
काठमाडौं, १४ भदौ । राष्ट्रिय स्वतन्त्र पार्टी (रास्वपा)ले रुपन्देही क्षेत्र नम्बर–३ मा आगामी कात्तिक १७ गते हुने उपनिर्वाचनका लागि आज उम्मेदवार घोषणा गर्ने भएको छ ।
यसका लागि वनस्थलीस्थित केन्द्रीय कार्यालयमा दिउँसो साढे १ बजे पार्टी सचिवालय बैठक बस्ने कार्यक्रम तय भएको छ । बैठकपश्चात् उम्मेदवार घोषणा गरिने प्रवक्ता मनिष झाले जानकारी दिएका छन् । “बैठकपश्चात् पार्टी प्रवेश कार्यक्रम र रुपन्देही–३ मा हुने उपनिर्वाचनको उम्मेदवार घोषणा कार्यक्रम हुनेछ,” उनले भने ।
सचिवालय बैठकमा रुपन्देही–३ मा उम्मेदवार छनोट मूल्यांकनबारे छलफल हुने र प्रवास विशेष अभियान सञ्चालनबारे पनि छलफल गरिने प्रस्तावित एजेन्डा रहेको बताइएको छ । रुपन्देही–३ मा रास्वपाबाट उम्मेदवारका लागि हाल नौ जना प्रतिस्पर्धामा छन् । उनीहरूमध्येबाट एक उम्मेदवारलाई अन्तिम रूपमा तय गरिनेछ ।
