- ६ असार २०८३, शनिबार / Jun 20, 2026
रौतहट, ११ असार । भारतको सीमावर्ती बजारबाट लागुऔषध लुकाई नेपाल ल्याउँदै गरेका एक ई–रिक्सा चालकलाई रौतहट प्रहरीले पक्राउ गरेको छ। जिल्ला प्रहरी कार्यालय रौतहटको टोलीले गौर नगरपालिका–३ स्थित बी.पी. चौकमा शङ्कास्पद रुपमा जाँच गर्दा ना १ ह ७८९३ नम्बरको ई–रिक्सा चालक अजय बिकलाई नियन्त्रणमा लिएको हो।
उनी चन्द्रपुर नगरपालिका–४ का २७ वर्षीय बासिन्दा हुन्। प्रहरीका अनुसार बिकले चलाएको ई–रिक्साबाट फेनारगन ११० पिस, डाइजापाम ४७ पिस, बुप्रेनर्फिन ११० पिस, र कोरेक्स ६३ पिस बरामद गरिएको छ। यी सबै वस्तुहरू लागुऔषधको सूचीमा पर्ने मादक पदार्थ हुन्।
जिल्ला प्रहरी कार्यालय रौतहटका प्रवक्ता डीएसपी दीपक कुमार रायका अनुसार बिकलाई नियन्त्रणमा लिएर थप अनुसन्धान भइरहेको छ।
पक्राउ गरिएको स्थान बी.पी. चौक जिल्ला प्रहरी कार्यालयबाट करिब १ किलोमिटर पश्चिम–उत्तरतर्फ पर्छ। प्रहरीले सीमावर्ती क्षेत्रमा लागुऔषध तस्करी बढिरहेको भन्दै निगरानी कडा पारिएको जनाएको छ।
