देशभर आजदेखि रुट परमिट खुला

काठमाडौं । आजदेखि देशभर रुट परमिट खुला गरेको छ। सरकारले रुट परमिट दशैँको पूर्णिमासम्म कायम रहने जनाएको छ। दसैँको घटस्थापनादेखि मात्र रुट परमिट खुला गर्ने निर्णय यस अघि थियो ।

अविरल वर्षाका कारण राजमार्ग र सडक अवरुद्ध भई यातायात सञ्चालन हुन नसकेको अवस्था र प्राकृतिक विपत्तिका कारण यात्रु बाटोमा अलपत्र गरेका यात्रुलाई उद्धार गर्नुपर्ने भएकाले सोमबारदेखि नै रुट परमिट खुला गर्ने निर्णय गरेको हो ।

अहिलेकै रुट परमिटलाई आधार मान्दा असहजता उत्पन्न भएका कारण नेपालभर रुट परमिट खुला गरिएको छ । अहिले दशैंसहितका ठूला चाडपर्वमा काठमाडौँ उपत्यकाबाट बाहिर जाने यात्रुको सङ्ख्या बढ्दै गएको छ ।