- २४ बैशाख २०८३, बिहीबार / May 7, 2026
भक्तपुर । सामाजिक संजालमा गलत अफवाह नफैलाउन एमाले पोलिटव्यूरो सदस्य महेश बस्नेतलाई राप्रपा भक्तपुरले आग्रह गरेको छ । आफ्ना कर्तुत लुकाउन राप्रपामाथि बस्नेतले प्रहरा गरेको राप्रपाको आरोप छ ।
राजनैतिक अकर्यमण्डयताले अतालिएर संयमता गुमाउदै एमाले नेता महेश बस्नेतले राप्रपा भक्तपुरका संस्थापक अध्यक्ष स्व. सुरेन्द्र प्रताप शाह र राष्ट्रिय प्रतातन्त्र पार्टीका केन्द्रिय सह–महामन्त्री रविन्द्र प्रताप शाहलाई अनर्गल रुपमा दिएको मन्तव्य गलत रहेको राप्रपाले आज पत्रकार सम्मेलन गरी जानकारी दिएको छ ।
भिडियो…
उत्तेजीत गतिविधि र अराजक अभिव्यक्ति प्रति राष्ट्रिय प्रजातन्त्र पार्टी भक्तपुरले गम्भीर ध्यानाकर्षण भएको भन्दै झूठको खेती नगर्न आग्रह गरेको छ । राप्रपा केन्द्रिय सह–महामन्त्र रविन्द्र प्रताप शाहले आफुमाथि लगाइएको आरोपको पुष्टी गर्नसमेत बस्नेतलाई चेतावनी दिए ।
राप्रपाका नेता स्व. सुरेन्द्र प्रताप शाह र उनका पुत्र एवं राप्रपा केन्द्रिय सह–महामन्त्रीको संलग्नतामा भक्तपुर जिल्ला चाँगुनारायण नगरपालिका वडा नं.–६ नगरकोटको ११३ रोपनी जग्गा बेचविखन गरि अपचलन गरेको आरोप महेश बस्नेतले लगाएका थिए ।
उक्त विषय निराधार एवं कपोकल्पीत र भ्रामक भएको भन्दै शाहले ठोस आधार, प्रमाणसहित पुष्टि गर्न एमाले नेता महेश बस्नेतलाई चुनौती दिए । नेता बस्नेतले निराधार अभिव्यक्ति दिएको प्रति खेद प्रकट गर्दै राप्रपा भक्तपुरका सचिवालय प्रमुख अर्जुन कार्कीले विश्वास नगर्न जनताई अनुरोध गरेका छन् ।
कोपकल्पीत अभिव्यक्ती दिने र एमाले बाहेकका दलका नेता कार्यकर्ताहरुको चरित्र हत्या गर्ने उद्देश्यले अभिव्यक्ती दिनेलाई कानुनी दायरामा ल्याउन जिल्ला प्रशासन कार्यालय भक्तपुरलाई आग्रह गरेको छ ।
यता महेश वस्नेतले आफ्नो अभिव्यक्ती आरोप नभएर सही भएको बताएका छन् । मेडिकल व्यवसायी दुर्गा प्रसाईंले गणतान्त्रिक व्यवस्थाविरुद्ध मंसिर ७ गते काठमाडौंमा गर्न लागेको आन्दोलनमा राप्रपा भक्तपुरले औपचारीक समर्थन नगरेपनि कार्यकर्तालाई भने जुलुशमा जान नरोक्ने बताएको छ ।
