- २१ कार्तिक २०८३, शनिबार / Nov 7, 2026
बुटवल, ११ जेठ । रुपन्देहीको लुम्बिनी सांस्कृतिक नगरपालिका–११ स्थित जितवापुर गाउँमा प्रहरीले पेस्तोलसहित दुई जनालाई पक्राउ गरेको छ। स्थानीय युवाबीच भएको झडपपछि प्रहरीले उनीहरूलाई नियन्त्रणमा लिएको हो।
गएराति दुई समूहबीच सामान्य विवाद चर्किएर झडप भएको थियो। सो क्रममा प्रहरी टोलीले हस्तक्षेप गर्दै घटनास्थलबाट एक थान पेस्तोलसहित दुई युवालाई नियन्त्रणमा लिएको इलाका प्रहरी कार्यालय लुम्बिनीले जनाएकाे छ ।
झडपमा परी एक जना युवा घाइते भएको र उनको अवस्था सामान्य रहेको प्रहरीले जनाएको छ। पक्राउ परेका युवाहरूलाई हाल इलाका प्रहरी कार्यालय लुम्बिनीमा राखिएको छ र घटनासम्बन्धी थप अनुसन्धान भइरहेको छ।
प्रहरीले युवाहरूसँग हतियार फेला परेको हुँदा घटनालाई गम्भीर रूपमा लिएर अनुसन्धान प्रक्रिया अघि बढाइने जनाएको छ।
