कस्तो अच्चम लोकसेवाबाट नाम निस्किएर पनि हाजिर हुन नगएपछि

काठमाडौँ । लोकसेवा आयोगले लिएको लिखित र मौखिक परीक्षाबाट छनौट भएर पनि स्थायी नियुक्ति लिन नआएकालाई तत्काल नियुक्ति लिन आउन सडक विभागले आग्रह गरेको छ ।

विभागले पत्रिकामा सूचना जारी गरेर आग्रह गरेको हो । सूचनामा भनिएको छ, ‘गत कात्तिक २१ गतेको निर्णयअनुसार निजामती सेवा नियमावली, २०५० को नियम १६ बमोजिम स्थायी नियुक्ति लिन

नआएका व्यक्तिहरूलाई निजामती सेवा नियमावली, २०५० को नियम १९ बमोजिम निरोगिताको प्रमाणपत्र पेश गरी नियुक्ति लिन आउनु हुन यो सूचना प्रकाशन गरिएको छ।

उक्त म्यादभित्र आफ्नो नियुक्ति लिन नआएमा उपरोक्त नियमावलीको नियम १६ बमोजिम वैकल्पिक उम्मेदवारलाई योग्यताक्रम अनुसार नियुक्ति गरिने ब्यहोरा जानकारी गराइन्छ ।’

विभिन्न पदमा नाम निकालेका ९ जना नियुक्ति लिन नआएपछि विभागले यस्तो सूचना जारी गरेको हो ।