- १६ जेष्ठ २०८३, शनिबार / May 30, 2026
काठमाडौं । सहकारी ठगी विषयमा छानबिन गर्ने संसदीय समितिको कार्यादेश टुंग्याउन कार्यदलको बैठक बस्दैछ । केही बेरमो बैठक कानून, न्याय तथा संसदीय मामिला मन्त्रालयमा बस्ने तय भएको कांग्रेस सांसद जीवन परियारले बताए ।
संसदीय छानबिन समितिको कार्यादेशका विषयमा सत्तापक्ष र प्रतिपक्षबीच कुरा मिल्न सकेको छैन । आइतबार लामो समय छलफल भए पनि सहमति हुन सकेन । यही विवादका कारण संसदीय छानबिन समिति गठन पनि अनिश्चित बनेको छ भने संसदको गतिरोध पनि अन्त्य हुन सकेको छैन ।
हिजै बस्नुपर्ने बैठक आजको लागि बोलाईएको हो । कार्यादेशमा सहमति भएमात्रै आजको बैठक सुचारु हुने नेता परियारले बताए । गत शनिबार सत्तापक्ष र प्रमुख प्रतिपक्षबीच सहकारीको बचत ठगी, हिनामिना, अपचलन, दुरुपयोगबारे छानबिन गर्न संसदीय समिति बनाउने सैद्धान्तिक सहमति भएको थियो ।
