संस्थानमा ३२ हजारलाई रोजगारी

काठमाडौं । सार्वजनिक संस्थानले ३२ हजार १८० जनालाई रोजगारी दिइरहेको छ । अर्थ मन्त्रालयले सार्वजनिक गरेको सार्वजनिक संस्थानको वार्षिक स्थिति समीक्षा प्रतिवेदनमा आर्थिक वर्ष २०७९, ०८० मा सो संख्यामा रोजगारी दिएको तथ्यांक छ ।

कुल ४४ वटा सार्वजनिक संस्थान अस्तित्वमा छन् । जसमध्ये २० वटा संस्थानमा सरकारको पूर्ण स्वामित्व र २४ वटा संस्थानमा अधिकांश स्वामित्व रहेको छ । जनपयोगी संस्थानमा सबैभन्दा बढी १३ हजार ३७७ र सामाजिक क्षेत्रका संस्थानमा सबैभन्दा कम १४ सय ८ जना कर्मचारी कार्यरत रहेका छन् ।