सन्दीप लामिछानेविरुद्ध जवाफी बहस सकेर फैसला सुनाउने तयारी

काठमाडौं । सुनुवाइ बिहीबार पनि नसकिएपछि हेर्दाहेर्दैमा राखिएको क्रिकेटर सन्दीप लामिछाने विरुद्धको बलात्कार मुद्दामा आज फैसला हुन सक्ने सम्भावना रहेको छ ।
काठमाडौँ जिल्ला अदालतलमा न्यायाधीश शिशिर ढकालको इजलाशमा भइरहेको सुनुवाइ नसकिएपछि हेर्दाहेर्दैमा राखिएको थियो ।

बिहीबारदेखि प्रतिवादी सन्दीप पक्षका वकिलले बहस गरिरहेका छन् । हिजो पूर्वमहान्यायाधिवक्ता समेत रहनुभएका वरिष्ठ अधिवक्ता रमण श्रेष्ठको बहस नसकिएकाले शुक्रबार पनि त्यसलाई निरन्तरता दिइने जनाइएको छ । प्रतिवादीतर्फबाट बहस सकिए शुक्रबारै मुद्दाको फैसला हुने जनाएको छ ।

आइतबारदेखि न्यायाधीश ढकालको इजलासमा यो मुद्दामा अन्तिम सुनुवाइ भइरहेको छ । न्यायाधीश ढकालको इजलासले शुक्रबार जवाफी बहस पनि सकेर फैसला सुनाउने तयारी गरेको छ ।