- ९ जेष्ठ २०८३, शनिबार / May 23, 2026
काठमाडौं । काठमाडौंस्थित अमेरिकी दूतावासले क्रिकेटर सन्दीप लामिछानेलाई अन्तर्वार्ताका लागि बोलाएको छ । उनलाई अमेरिकी भिसा दिने वा नदिने सम्बन्धमा अन्तर्वार्ता लिन दूतावासले बोलाएको हो ।
काठमाडौंस्थित अमेरिकी दूतावासले यही जेठ ९ गते लामिछानेलाई अमेरिकी भिसा दिन अस्वीकार गरेको थियो । आईसीसी ट्वान्टी–२० विश्वकप क्रिकेट खेल्न अमेरिका जानको लागि उनले भिसाको लागि दूतावासमा आवेदन दिएका थिए । परराष्ट्र मन्त्रालय स्रोतका अनुसार लामिछानेले बारम्बार फोन गरेपछि काठमाडौंस्थित अमेरिकी दूतावासलाई भिसामा सहजीकरण गरिदिन परराष्ट्रले अनुरोध गरेको थियो । त्यसपछि दूतावासले अन्तर्वार्ताको लागि लामिछानेलाई बोलाएको हो ।
आईसीसी ट्वान्टी–२० क्रिकेट विश्वकप अमेरिका र वेस्ट इन्डिजले संयुक्त रूपमा आयोजना गर्दै छन् । विश्वकप आउँदो जुन २ देखि २९ सम्म हुँदै छ । विश्वकप खेल्नको लागि नेपाली राष्ट्रिय टिम अहिले अमेरिकामा छ ।
