- २१ कार्तिक २०८३, शनिबार / Nov 7, 2026
काठमाडौं । संसदको हिउँदे अधिवेशन अन्तर्गतको अन्तिम बैठक आज बस्दैछ । प्रतिनिधिसभाको बैठक बिहान ११ बजेका लागि बोलाइएको छ । संसद अधिवेशन आज रातिबाट अन्त्यका लागि सरकारले सिफारिस गरिसकेको छ ।
बिहान ११ बजेको संसद बैठक अघि कार्यव्यवस्था परामर्श समितिको बैठकमा संभावित कार्यसूची बारे छलफल गरिनेछ । बैठकको अन्तिममा राष्ट्रपतिबाट अधिवेशन अन्त्यको पत्र पढेर सभामुखले सुनाउने छन् । आजको बैठकलाई कांग्रेसले अवरोध गर्ने तयारी गरेको छ ।
चैत २८ गतेको बैठकमा कांग्रेसले नाराबाजी गरेपछि आजसम्मका लागि स्थगित गरिएको थियो । सहकारीको रकम अपचलनमा मुछिएका उपप्रधान तथा गृहमन्त्री रवि लामिछानेमाथि संसदीय छानबिन समिति गठन नभएसम्म संसद चल्न नदिने अडान काँग्रेसले लिएको छ भने सत्ता पक्षले पेलेर लैजाने छनक देखाएको छ।
