बैंकिङ कसुरमा सेफ सन्तोष साह जनकपुरबाट पक्राउ

काठमाडाैं, ३० जेठ । सेफ सन्तोष साहलाई बैंकिङ कसुरको आरोपमा पक्राउ गरिएको छ । उनलाई गएराति जनकपुरबाट पक्राउ गरिएको काठमाडौँ उपत्यका अपराध अनुसन्धान कार्यालय टेकुले पुष्टि गरेको छ ।

काठमाडौँको गैरीधारामा रहेको एक रेष्टुरेन्ट खरिदसम्बन्धी विषयमा पुरै रकम नदिएको आरोप लगाउँदै सकुन्तला थापा (अधिकारी)ले साहविरुद्ध उजुरी दायर गर्नुभएको थियो । सोही उजुरीका आधारमा बैंकिङ कसुरको मुद्दा अघि बढाइएको हो ।

जिल्ला अदालत काठमाडौँको अनुमति पाएपछि प्रहरीले धनुषाको जनकपुरधाम उपमहानगरपालिका–८ रमानन्द चोकबाट साहलाई पक्राउ गरेको हो । उनलाई आवश्यक अनुसन्धानका लागि काठमाडौँ ल्याउने तयारी भइरहेको प्रहरी स्रोतले जनाएको छ ।