शनिबारदेखि जेष्ठ ७ गतेसम्म तीन दिन सीमानाका बन्द

काठमाडौं । भारतको मधुवनी जिल्लामा हुन लागेको निर्वाचनका लागि सीमानाका बन्द गरिएको छ । भारतीय सीमासँग जोडिएका मधेश प्रदेशका चार जिल्ला सिरहा, धनुषा, सप्तरी तथा महोत्तरीका सीमानाका तीन दिनका लागि बन्द गरिएको हो ।

भारतको विहार राज्यअन्तर्गत आगामी सोमबार मधुवनीमा संसदीय क्षेत्रमा मतदान हुन लागेका छन् ।

विहारको मधुवनी जिल्ला प्रशासनले नेपालको चार जिल्लाका प्रमुख जिल्ला अधिकारीलाई पत्र लेखी सोमबार हुने निर्वाचनका लागि ७२ घण्टा अगाडि सीमा बन्द गर्न आग्रह गरेबमोजिम सीमानाका बन्द गरिएको जिल्ला प्रशासन कार्यालयले जनाको छ । सीमानाका शनिबारदेखि ७ गते राति १२ बजेसम्म बन्द रहने जनाइएको छ।