- २८ असार २०८३, आईतवार / Jul 12, 2026
काठमाण्डौ, १९ कार्तिक। राष्ट्रिय परीक्षा बोर्ड, परीक्षा नियन्त्रण कार्यालय कक्षा–१० सानोठिमी भक्तपुरले माध्यमिक शिक्षा परीक्षा (एसईई) २०८३ मा समावेश हुनका लागि आजदेखि आवेदन खुला गरेको छ।
बोर्डले आज सार्वजनिक गरेको सूचनाअनुसार, नियमित परीक्षामा समावेश हुनका लागि विद्यार्थीहरूले मङ्सिर २४ गतेभित्र रजिष्ट्रेशन फारम भर्न सक्नेछन्। शैक्षिक सत्र २०८२ मा कक्षा ९ मा अध्ययनरत साधारण, परम्परागत (संस्कृत, वेद, विद्याश्रम, गुरुकुल, मदरसा, गोन्पा) र प्राविधिक धारका विद्यार्थीका लागि फारम खुला गरिएको हो।
बोर्डले सबै विद्यार्थी, विद्यालय, पालिकाका शिक्षा शाखा, शिक्षा विकास तथा समन्वय इकाई र शिक्षा विकास निर्देशनालयलाई फारम भर्ने र भराउने कार्य समयमै सम्पन्न गर्न निर्देशन दिएको छ।
बोर्डका अनुसार, एसईई २०८३ मा समावेश हुनका लागि फारम अनिवार्य रूपमा भरिनुपर्नेछ। यो फारम नभर्ने विद्यार्थीहरू परीक्षामा सहभागी हुन नपाउने चेतावनी दिइएको छ। त्यस्तै, परीक्षामा सहभागी हुनका लागि विद्यार्थीको उमेर २०८३ चैत मसान्तसम्म १४ वर्ष पूरा भएको हुनुपर्नेछ।
