- २८ असार २०८३, आईतवार / Jul 12, 2026
काठमाण्डौ, १९ कार्तिक । सरकारले स्टार्टअप उद्यम कर्जाका लागि परियोजना प्रस्ताव आह्वान गरेको छ। औद्योगिक व्यवसाय विकास प्रतिष्ठान, काठमाण्डौले आज सूचना प्रकाशित गर्दै स्टार्टअप उद्यम कर्जा सञ्चालन कार्यविधि बमोजिम योग्य उद्यमीहरूबाट आवेदन माग गरेको हो।
कर्जा लिन इच्छुक उद्यमीहरूले कार्यविधिको दफा–४ अनुसार आवश्यक योग्यता पूरा गरेको हुनुपर्नेछ। साथै आवेदकमा नवीनतम ज्ञान, सोच, सीप र क्षमता भएको हुनुपर्ने उल्लेख गरिएको छ।
सूचनाअनुसार, इच्छुक उद्यमीहरूले आउँदो २१ दिनभित्र परियोजना प्रस्ताव पेस गर्नुपर्नेछ। प्रस्ताव तोकिएको ढाँचामा अनलाइनमार्फत पेस गर्न सकिने व्यवस्था गरिएको छ।
