- ३१ आश्विन २०८३, शनिबार / Oct 17, 2026
काठमाडौं । काठमाडौँबाट रसुवाको स्याफ्रुबेसी उडेको ९ एन एजेडी हेलिकप्टर नुवाकोटको शिवपुरी डाँडामा दुर्घटना भएको छ । एयर डाइनेस्टीको हेलिकप्टरमा पाँच जना यात्रुहरु सवार थिए । हेलिकप्टरमा चिनियाँ पर्यटक जुदाड टाङ, जी लि, यियाद वु र जेमिङ सी रहेका छन् ।
क्याप्टेन अरुण मल्लले हेलिकप्टर उडाएका थिए । हालसम्म पाँच जनाको शव फेला परेको बताइएको छ । पाँच जनाको मृत्यु भएको छ । मृत्यु हुनेमा चार पुरुष र एक महिला रहेको नुवाकोट प्रहरी उपरीक्षक शान्तिराज कोइरालाले बताए ।
शिवपुरी गाउँपालिका–७ जङ्गलको सूर्यचौर क्षेत्रमा हेलिकप्टर दुर्घटनामा परेको थियो । त्रिभुवन अन्तर्राष्ट्रिय विमानस्थलबाट दिउँसो १ः५४ मा उडेको थियो । हेलिकप्टर उडेको तीन मिनेटमै काठमाडौँ टावरसँग सम्पर्क विच्छेद भएको थियो ।
