- १६ कार्तिक २०८३, सोमबार / Nov 2, 2026
पाल्पा, २० साउन — सिद्धार्थ राजमार्ग अन्तर्गत पाल्पा–बुटवल सडकखण्ड गएरातिदेखि अवरुद्ध बनेको छ। तिनाउ गाउँपालिका–३ स्थित सिद्धबाबा मन्दिर नजिकै ठूलो पहिरो खसेपछि राति ११ बजेदेखि सवारी आवागमन पूर्ण रूपमा रोकिएको हो।
जिल्ला प्रहरी कार्यालय पाल्पाका सूचना अधिकारी प्रहरी निरीक्षक सन्दीप बेलबासेका अनुसार लगातारको वर्षाका कारण ठूला ढुंगासहितको पहिरो खसेको हो। अझै वर्षा जारी रहेकाले राजमार्ग खुलाउन कठिन भइरहेको छ।
राजमार्ग अवरुद्ध हुँदा सयौँ यात्रु बाटोमै अलपत्र परेका छन्। पहिरो पन्छाउने प्रयास जारी भए पनि कहिले खुल्ने भन्नेबारे अन्योल रहेको जनाइएको छ।
